“Barsa” yulduzi MYuni kuchaytiradi

“Barselona”da yangi shakllanayotgan jamoadan joy tegmaydigan Xordi Alba faoliyatini Angliya premer-ligasida davom ettirish imkoniga ega bo‘ldi.

Sulsher kataloniyaliklar yulduzini ko‘p jarohat oladigan Lyuk Shouning o‘rnida o‘ynatishni maqsad qilgan.

Ronald Kuman jamoa tarkibini yoshartirish maqsadida yoshi katta yulduzlarning hammasiga chiqish eshiklarini ochib bermoqda. Xususan, Ivan Rakitich “Sevilya”ga o‘tdi, Luis Suares va Arturo Vidal Italiya grandlari bilan muzokara olib bormoqda. Ketish navbati Alba va Pike kabi himoyachilarga ham etib kelmoqda.

31 yoshli ispaniyalik himoyachi vaziyatni to‘g‘ri baholagan holda “Manchester Yunayted” taklifini qabul qilishi kutilmoqda.