Balotelli "Napoli"da o‘ynamoqchiligini aytdi

"Breshiya" klubi hujumchisi Mario Balotelli "Napoli"da o‘ynash istagi borligini aytdi.

“Napoli”da baxtli bo‘lgan bo‘lardim, chindan ham. Qizim “Napoli” muxlisi. Uni “San-Paolo”ga olib borganimda, u judayam xursand bo‘lgan”, - deydi Balotelli.

29 yoshli Balotelli joriy mavsum “Breshiya” safida 19 ta o‘yinda maydonga tushdi va 5 ta gol urishga erishdi. Uning klub bilan amaldagi shartnomasi 2022 yilga qadar imzolangan.