Asadxo‘ja Mo‘ydinxo‘jaevning finaldagi raqibi ma’lum

Olimpiya o‘yinlarining boks bo‘yicha 71 kilogrammgacha vazn toifasidagi bahslarda Asadxo‘ja Mo‘ydinxo‘jaev o‘zining navbatdagi jangini o‘tkazdi.

Asadxo‘ja Mo‘ydinxo‘jaev 1/2 final bosqichi doirasida AQSh vakili Omari Jons bilan jang qildi. Keskin va murosasiz o‘tgan bahsda charm qo‘lqop ustamiz ochkolar hisobida g‘alaba qozondi va final yo‘llanmasiga ega chiqdi.

Yarim finalning ikkinchi bahsida Meksika vakili Marko Verde Buyuk Britaniyalik Levis Richardsonni mag‘lub etgan holda finalga yo‘l oldi.

Shu tariqa, charm qo‘lqop ustamiz, "Parij-2024" Olimpiya o‘yinlarining oltin medali uchun o‘tadigan uchrashuvda meksikalik Marko Verde bilan raqobatlashadigan bo‘ldi. 

Ushbu jang 9 avgust kuni bo‘lib o‘tadi.