Arteta terma jamoada ishlashi mumkin!

Londonning "Arsenal" klubi bosh murabbiyi Mikel Arteta kelajakda terma jamoada ishlashi mumkin. "Deadlinedaylive"ning xabar berishicha, ispaniyalik mutaxassis bir necha yildan so‘ng Angliya terma jamoasini boshqarishi mumkin.

Bir kun avval germaniyalik mutaxassis Tomas Tuxel "uch sherlar" boshqaruviga tayinlangani haqida xabar berilgandi. U 2025 yilda ish boshlaydi.

Eslatib o‘tamiz, Arteta 2019 yilning dekabridan buyon "kanonirlar" bosh murabbiyi hisoblanadi. O‘tgan mavsumda jamoa Premer-ligani ikkinchi o‘rinda yakunladi.