Arman Maxanov ishtirokidagi final muddatdan avval yakunlandi

Hozirgina BAAning Dubay shahrida o‘tkazilgan boks bo‘yicha Jahon chempionati nihoyasiga etdi.

Musobaqaning so‘nggi final jangi, +92 kg da  vakilimiz Arman Maxanov rossiyalik David Surovga qarshi ringga ko‘tarildi.

Afsuski, ushbu bahsda bokschimiz bir necha bor nokdaun holatiga tushib qoldi va 2-raundga kelib, murabbiylar oq sochiq tashlashga majbur bo‘ldi.

Shu tariqa, Maxanov ham mazkur dunyo birinchiligida kumush medal sohibiga aylandi.