Arbeloa Bellingemning noroziligiga izoh berdi

"Real Madrid" klubi bosh murabbiyi Alvaro Arbeloa yarim himoyachi Jud Bellingemning "Alaves"ga qarshi (2:1) 58-daqiqada almashtirilganidan norozi bo‘lgani haqida fikr bildirdi.

"U jarohatdan keyin maydonga qaytdi, juma kuni esa navbatdagi o‘yinimiz bor. Militao bilan bo‘lgani kabi tavakkal qilishni istamaymiz.

U jamoaga yordam berishda davom etishni xohladi va bu menga yoqadi. Bunga katta ahamiyat berish kerak emas, uni yana maydonda ko‘ramiz", — dedi Arbeloa.

Ma’lumot o‘rnida, "qirollik klubi" La Ligada "Barselona"dan so‘ng ikkinchi o‘rinda bormoqda. Jamoa kataloniyaliklardan 6 ochko ortda qolyapti hamda 1 ta ko‘p o‘yin ham o‘tkazgan.