Amrabatning narxi "Barselona"ni qo‘rqitib yubordi

Relevo xabariga ko‘ra, Sofyan Amrabatning "Barselona"ga o‘tmasligi aniq bo‘ldi. Kataloniyaliklar avvalroq "Fiorentina" yarim himoyachisiga qiziqish bildirgan edi, ammo o‘yinchining so‘nggi narxi jamoani cho‘chitib yubordi.

Italyan klubi yarim himoyachi uchun kamida 40 million evro talab qilgan. "Ko‘k-anorranglilar" rahbariyati esa buncha pulni to‘lay olmasliklarini bildirdi va marokashlikni ikki baravar arzonroq narxga sotib olish niyatida.

Oldinroq "Fiorentina" futbolchi bilan shartnomani avtomatik ravishda uzaytirish bo‘yicha bandni faollashtirishi xabar qilingandi. Shartnoma 2025 yilgacha amal qiladi.

Eslatib o‘tamiz, kecha Marokash JCh uchinchi o‘rin uchun kechgan bahsda Xorvatiyaga mag‘lub bo‘ldi va musobaqani medallarsiz tark etdi.