AGMK safarda "qaldirg‘ochlar"ni enga olmadi

Superliga 21-turidan o‘rin olgan "Bunyodkor" - AGMK bahsi yakuniga etdi va mazkur o‘yinda 1:1 hisobi qayd etildi. 

Uchrashuvning 63-daqiqasida Suhrob Izzatov himoyachilarning xatosidan so‘ng hisobni ochdi. 75-daqiqada Tursonovning jarimadan uzatgan to‘pini Sardor Rahmonov darvozaga joylab qo‘ydi. 

Mazkur natijadan so‘ng olmaliqliklar ochkolari sonini 37 taga etkazib olgan holda, "So‘g‘diyona"ni ta’qib etishda davom etadi. 33 ochkoga ega "qaldirg‘ochlar" ham sovrinli o‘rinlar uchun kurashni davom ettirish imkoniyatini saqlab turibdi.