Legionerlarimiz. Hamdamovning jamoasi premer-liganing ilk turida "Ural" maydoniga borish uchun ham pul topa olmadi...

Hamyurtimiz Dostonbek Hamdamov to‘p suradigan Maxachkalaning “Anji” klubidagi moliyaiy ahvol kundan-kunga og‘irlashmoqda.

Rus nashrlari tarqatgan xabarga ko‘ra maxachkalaliklar Rossiya premer-ligasining ilk turida “Ural”ga qarshi safar o‘yiniga borib kelish uchun juda qiyinchilik bilan mablag‘ topishdi.

Ta’kidlash kerakki, “Anji” Ekaterinburg shahriga borish uchun yoshlar jamoasiga ham chipta buyurtma qilgan, biroq ularni vaqtida sotib olishga pul topa olmagan.

Ma’lumotlarga ko‘ra moliyaviy muammolar sabab “Anji”ning chempionat oxiriga qadar ishtirok etishi ham katta so‘roq ostida qolmoqda.

Eslatib o‘tamiz, “Anji” o‘tgan mavsum yakunlariga ko‘ra premer-ligani tark etgan bo‘lsada, “Amkar” klubining yo‘q bo‘lib ketishi tufayli ular yana kuchlilar safida qolishgan edi.