Zohid Kenjaev Olimpiada reyting ochkolari uchun harakatni boshladi

Janubiy Koreyaning Pusan shahrida stol tennisi bo‘yicha 2020 yili Yaponiyaning Tokio shahrida bo‘lib o‘tadigan Olimpiya o‘yinlariga reyting ochkolarini beruvchi "Koreya open" musobaqasi o‘tkazilmoqda.

Yakkalik bahslarining erkaklar o‘rtasidagi bahslarida hamyurtimiz Zohidjon Karimov mezbonlar vakili Bae Xyucholni 11:8, 11:3,11:5, 11:9 hisobida taslim qildi.

Turli mamlakatlardan 200 nafarga yaqin tennischilar ishtirok etayotgan mazkur turnirda Saida Mahmudova shogirdi Z.Kenjaev ikkinchi davrada chexiyaldik Pavel Siruchekka qarshi o‘yin o‘tkazadi. Mazkur o‘yin ertaga Toshkent vaqti bilan tushdan so‘ng bo‘lib o‘tishi rejalashtirilgan.