“Ювентус” Сульшер кутаётган футболчини илиб кетади
“Ювентус” мутасаддилари жамоага “Милан” етакчиси Ҳакан Чалханўғлини олиб келиш бўйича иш бошлашни режалаштирмоқда.
Бу футболчини “Манчестер Юнайтед” бош мураббийи Сульшер ҳам интизорлик билан кутяпти.
Ҳаканнинг бозори қайнашига унинг миланликлар билан янги шартномадан бош тортгани сабаб бўлди. Туркиялик плеймейкер келаси йили ёзда эркин агентга айланади. Агар “Милан” уни янги битимга кўндира олмаса, футболчи январдан бошлаб, бошқа клублар билан музокарага киришиш ва келишув имзолаш ҳуқуқига эга бўлади.
Аслида Чалханўғли учун “Манчестер Юнайтед” асосий даъвогар ҳисобланаётган эди. Лекин Ҳакан яқинда Туринга бориб, “Ювентус”да ўйнаётган ҳамюрти Мерих Демирэл билан кўришганидан кейин вазият кескин ўзгарди.
Кузатувчилар Чалханўғли Туринга бежизга бормаганини, унинг агентлари “Ювентус” билан музокараларни бошлаганини таъкидламоқда.
Фикрлар