“Yuventus”: Ronalduning yonida yangi superhujumchi o‘ynaydi

“Yuventus” jamoaning hujum chizig‘ini kuchaytirish maqsadida “Lion” to‘purari Memfis Depayni olishga qaror qildi.

Frantsuzlar bu hujumchini qishda besh million evroga qo‘yib yuborishga tayyorligini ma’lum qilinganidan keyin uning xaridorlari ko‘payib ketdi.

Aslida Depayga asosiy da’vogar sifatida “Barselona” tilga olinmoqda. Lekin turinliklar ham uni qo‘ldan chiqarmoqchi emas. Pirlo niderlandiyalik hujumchi hujum chizig‘ida Krishtianu Ronaldu yordam berishiga ishonmoqda. Shuningdek, “Yuve”ning oldingi safida Alvaro Morata va Memfis Depay tandemini ham o‘ynatib ko‘rmoqchi.

Memfis Depay joriy mavsumda Frantsiya chempionatida 16 ta uchrashuvda sakkizta gol urdi. Shunga qaramay, hujumchi “Lion” bilan yakunlanayotgan bitimni uzaytirishni rad etdi.