Ямалга Месси ва Роналду даражасига кўтарилишни ўргатишди

“Барселона” бош мураббийи Ханс-Дитер Флик каталонияликлар етакчисига айланган 17 ёшли Ламин Ямал ҳақида фикр билдириб, испаниялик футболчи келажакда Лионель Месси ва Криштиану Роналду даражасига етиш учун нималар қилиши кераклигини айтиб ўтди.

- Агар сен юқори даражада ўйнашга қодир бўлсанг, биринчи  навбатда, ўша савияни ушлаб қолишни билишинг керак. Гап алоҳида олинган битта учрашувда зўр ўйнаб беришда эмас. Ламин буни жуда яхши билади.

Шунингдек, Ямал фақат иқтилорга таяниб ўйнаш нотўғри экани, балки меҳнат қилиш муҳимлигини ҳам англайди. Месси ва Роналду даражасига чиқишни истасанг, хотиржамликни сақлай олиш керак.

Биз Ямал 17 ёшида юқори савияда ўйнаётганижан хурсандмиз, лекин у кўпроқ меҳнат қилиши, ҳозирги даражаси билан кифояланмай, янада ўсишга эришиш учун ҳаракатдан тўхтамаслиги кераклигини ҳам инобатга олишимиз шарт, - деди Ханс-Дитер Флик.