Хёнесс: «Вирц «Бавария»да «Ливерпуль»дагидан анча яхшироқ ўйнарди»
- Muhammadqodir Ruzmatov
- Изоҳлар: 0
- Футбол
«Бавария»нинг фахрий президенти Ули Хёнесс Германия терма жамоаси ярим ҳимоячиси Флориан Вирц Мюнхен клубига ўтишдан бош тортиб, Англияга йўл олганидан афсусда эканини билдирди.
«Флориан Вирц «Бавария»да «Ливерпуль»дагидан анча яхшироқ ўйнарди. Унинг кўплаб учрашувларини томоша қиламан. «Ливерпуль»да уни жамоа ўйинига тўлиқ мослаштира олишмади. «Байер»да унга доимий равишда тўп етказиб беришарди, «Ливерпуль»да эса у кўплаб футболчилардан бири, холос», — деди Хёнесс Welt am Sonntag нашрига берган интервьюсида.
Маълумот учун, ўтган йилнинг ёзида «Ливерпуль» Вирцни «Байер»дан сотиб олиш учун 125 миллион евро тўлаган. Шундан бери германиялик футболчи Англия клуби сафида 59 та учрашувда майдонга тушиб, 8 та гол урди ва 13 та голли узатмани амалга оширди.
Жорий мавсумда эса Вирц 10 та ўйинда фақат битта голли узатма муаллифи бўлди.