Xabi Alonso engilmas “Bayer”ni kuchaytiradigan o‘yinchi topdi

Germaniya chempionatini mag‘lubiyatsiz yakunlagan “Bayer” bosh murabbiyi Xabi Alonso tarkibni yanada kuchaytira oladigan o‘yinchiga xaridor bo‘lmoqda.

Ispaniyalik mutaxassis klub rahbariyatidan “Jirona” yarim himoyachisi Alesh Garsiyani olib kelishni talab qilmoqda.

Xabi Alonso jamoani kelasi mavsum Evropa Chempionlar ligasida ishtirok etishini inobatga olib, tarkibni kuchaytirish kerak, degan fikrga keldi.

26 yoshli Alesh Garsiya “Vilyarreal” tarbiyalanuvchisi hisoblanadi. Faoliyati davomida “Manchester Siti”, “Eybar”, “Dinamo Buxarest”, “Muskron” kabi jamoalarda ham o‘ynagan.

Markaziy yarim himoyachi joriy mavsumda La Ligada 37 ta uchrashuvda qatnashib, uchta gol va oltita assist qayd etdi.