Хаби Алонсо: "Анчелоттининг ўрнини эгаллаш мен учун шараф"

"Реал Мадрид"нинг янги бош мураббийи Хаби Алонсо таништирув маросимида кичик нутқ сўзлади.  

—Ҳаммага ҳайрли тонг. Бугун мен учун ўзига хос, унутилмас кун. Бу ер менинг уйим.

Мен "Реал" мухлисларининг ҳаяжонини ҳис қиляпман — бу биз ҳаммамиз учун муҳим лаҳза.

Карло Анчелотти ҳақида бир неча сўз айтмоқчиман… У менинг мураббийим бўлган, ажойиб инсон. Агар у бўлмаганида, мен бу ерда бўлмас эдим. Унинг ўрнини эгаллаш мен учун катта шараф ва фахр. Умид қиламанки, бу даражага мос бўла оламан.

Бизда зўр жамоа бор — фантастик футболчилар билан. Бизни буюк келажак кутмоқда. Мен кучли, катта мақсадларга эриша оладиган амбицияли жамоани қурмоқчиман.

Шуни истардимки, одамлар бизга қараб: "Ана шу — менинг "Реал Мадрид"им" деб айтишсин — деди испаниялик мутахассис.

Эслатиб ўтамиз, 43 ёшли мураббий "қироллик клуби" билан 2028 йилнинг ёзигача шартнома имзолаган.