Волейбол. Эркаклар ўртасидаги Ўзбекистон кубоги якунланди. Ғолиб ва совриндорлар билан танишинг (фото)

Спортнинг волейбол тури бўйича эркаклар ўртасидаги "Ўзбекистон кубоги-2023" мусобақаси юқори кайфиятда якунланди. Бу ҳақда Ўзбекистон волейбол федерацияси матбуот хизмати хабар берди. 

Ушбу мусобақада ўтган йили 8 та жамоа иштирок этган бўлса, жорий йилда 22 та жамоа Ўзбекистон кубоги учун бор маҳорат ва истеъдоди билан курашди. Энг қувонарлиси эса баҳсларда 4 та ҳуқуқни муҳофаза қилувчи органларнинг ҳам терма жамоалари борлигидир. Бу эса юртимизда волейбол спорт турининг янада оммалашаётганининг исботидир.

Якуний натижалар қуйидагича:
1-ўрин. "UzTelekom" волейбол клуби.
2-ўрин. "Road Patrul" волейбол клуби.
3-ўрин. "Buvayda tadbirkor" волейбол клуби.