Виллиан Италияга боришни хоҳламаяпти

"Ювентус" клуби ёзги трансферлар даврида "Челси" вингери Виллианни ўз сафига қўшиб олмоқчи.

Tuttosport нашрининг ёзишича бразилиялик футболчи Италияга боришни хоҳламаяпти. У Англияда қолмоқчи. Виллианга туманли альбионда "Арсенал" ва "Тоттенхэм"дан қизиқишлар бор.

Виллианнинг “Челси” билан амалдаги шартномаси ёзда ўз ниҳоясига етади. Шу боис у янги жамоасига эркин агент сифатида бориб қўшилиши мумкин. У жорий мавсум 37 та ўйинда майдонга тушди ва 7 та гол ҳамда 7 та голли узатма ёздириб қўйишга эришди.