Виктор Жалилов: "Мақсадимиз жиддий, "Манчестер Сити", "Атлетико" каби клублар ҳам мавсум бошида очко йиғишда қийналишди, охирига келиб эса..."

  • 12 май, 2021, 21:18
  • Shuhratbek Jo’rayev
  • 2
  • Футбол
BEPUL PROPAN

Coca Cola Суперлига 8-тури доирасидаги "Навбаҳор" - "Сурхон" (2:0) учрашувидан кейин ўтказиладиган матбуот анжуманининг иккинчи қисмида "лочинлар" устози Виктор Жалилов ўйин ҳақидаги фикрлари билан ўртоқлашди.

- Биринчи навбатда, барча мухлисларни, шу ерга йиғилганларни Ҳайит байрами билан табрикламоқчиман. Бугун футболчилар наманганлик мухлисларга яхши совға ҳозирлашди. Биринчи бўлимда ўйинимиз қоувшмади. Чемпионатда атиги битта ўйинда ғалаба қозониб, Наманганда ютуққа эришолмаганимиз руҳий камчиликларни вужудга келтирганди. Бугун иккинчи бўлимда, ниҳоят, узоқ кутилган ўйинни намойиш этишди.

Ҳозир биз таркибни шакллантиряпмиз, лекин барибир, футболчиларнинг бир-бирларини тушуниб ўйнашлари учун вақт керак. Мавсум бошида айрим футболчилар кетишди, уларнинг ўрнига янги ўйинчилар келишди. Уларнинг мослашишлари маълум муддатни талаб этади. Мослашиш жараёни биз хоҳлагандек кечмаяпти. Асосийси, шогирдларим берилган кўрсатмаларга аста-секин мослашиб боришмоқда. Индивидуал ўйин бобида муаммо йўқ, жамоавий ўйинни ташкил этиш борасида эса ҳали қиладиган ишлар бор.

Ўйлашимча, таркибимизда маҳоратли футболчилар бор. Улар ёрдамида жиддий мақсадларни кўзлашимиз мумкин. Муҳими, таркиб ўзаги шаклланган. "Манчестер Сити" ва "Атлетико" каби клублар мавсум бошида очко йиғишда қийналишганди, охирига келиб вазиятни ўнглашга эришишди. Аста-секин ўйинимиз яхшиланиши ва ижобий натижаларга эришишимизга ишонаман.

Авиловнинг жароҳати бор, даволаняпти. У ўз шифокори билан даволанмоқчилигини билдирди. Шунинг учун таркибда кўриниш бермаяпти, - деди Жалилов.

"Навбаҳор" матбуот хизмати.

Фикрлар

Саралаш
Фикр қолдириш учун авторизациядан ўтинг!
Akbarali Abdunazarov
12/05/2021 22:15
Шу навбахорни таркиб ва жамоа мураббийни борасида бир неча марта узгартириш натижасида яхши натижага эриша олмаяпти, менимча айрим уйинчиларни бошка жамоаларга бериб юбориб, яхширок 2-3 та уйинчи олиш керак, Тургунбоевни хам ортга кайтариш керак ва йил якунигача жамоани шакллантириш фойда беради, таркибни шакллантириб йил охиригача вакт бериш керак, манимча шу уйин билан кучли олтиликка Кира олиши мумкин купи билан, жамоада химоя, ярим химоя ва хужум уртасида богликлик йук, тактикани узгартириш керак, эьтибор бераетган булсаларингиз 3-4 та туп узатишдан кейин туп йукотилаяпти! Навбахорга омад, Насаф мухлиси!
Жавоб ёзиш
Abbos Axmedov
Akbarali Abdunazarov
12/05/2021 23:39
Рахмат маслахат ва тилаклар учун менимча фудболчиларни ўзида айиб копро негаки молийавий тамонлама шароитлар хаммаси зўр муамо йўқ фудболчилар тухликга шўхлик қилаябди. Жонкуйдириб ўйнамаяпти бугунги галабаси унчалигам татимади ўйин томонлама йомон куринди. Пахтакор АГМКлар билан қанақа зўр шидатли зўр ўйновди ўша ўйинини хар бир рақибга кўрсатмаяпти. Бу эса бизни йомонам асабларимизга текгяпти
Жавоб ёзиш