“Viktor Bannikov”. O‘zbekiston o‘smirlar terma jamoasi Turkiyani mag‘lub etdi
O‘zbekiston o‘smirlar terma jamoasi “Viktor Bannikov” xalqaro turnirida Turkiya vakillariga qarshi bahs olib bordi.
O‘yinning 31-daqiqasida Murodjon Komilov hisobni ochib, jamoamizni oldinga olib chiqdi. Ikkinchi bo‘limning boshiga kelib Muhammet Ali O‘zbashkiji muvozanatni tikladi, 1:1. Oradan 5 daqiqa o‘tib Iskandar Soliev turklar darvozasini ishg‘ol qildi, 2:1. Shundan keyin Azizbek Usmonovning goli evaziga hisob mustahkamlangandi, biroq 82-daqiqada Emirhan Kayar oradagi farqni qisqartirishga muvaffaq bo‘ldi, 3:2. O‘yin shu hisob bilan yakunlandi.
“Viktor Bannikov” xalqaro xotira turniri
“B” guruhi | 3-tur
O‘zbekiston 3:2 Turkiya
Gollar: Murodjon Komilov 31, Muhammet Ali O‘zbashkiji 48, Iskandar Soliev 53, Azizbek Usmonov 70, Emirhan Kayar 82.
Vakillarimiz keyingi uchrashuvni Belorussiyaga qarshi o‘tkazadi. O‘yin ertaga Toshkent vaqti bilan 17:00 da bo‘lib o‘tadi.
Fikrlar