Venger hamyurtlaridan g‘alaba kutmoqda

“Arsenal”ning sobiq ustozi Arsen Venger bu yilgi Chempionlar ligasining asosiy favoritlari sifatida PSJ va “Manchester Siti”ni e’tirof etdi.

- Rostini aytsam, “Manchester Siti” va PSJ bu yilgi musobaqa favoritlari. Evropa futbolida yuqori darajadagi klublarning aksariyatida pasayish yuz berdi va PSJ kuchli uchlikka kirib olish imkoniyatiga ega bo‘ldi. Chunki ularda Neymar va Mbappe bor, - dedi Arsen Venger.

Chempionlar ligasining chorak final o‘yinlari Lissabon shahrida “Sakkizlik finali” tizimida o‘tkaziladi.