Varan: "Bizda yakdil maqsad bor..."

Frantsiyalik himoyachi Rafael Varan JCh-2022 yarim final bahsi oldidan fikrlari bilan o‘rtoqlashdi.

"Biz allaqachon ushbu turnirda kimligimizni isbotladik. To‘g‘risini aytsam, terma jamoamiz hamisha bir xil maqsad – jahon chempionatida g‘alaba qozonishni o‘z oldiga qo‘ygan. Bu bizning bosh vazifamizdir.

Albatta, yarim finalga chiqish qoniqarli vazifa, chunki bunga erishish oson emas. Raqiblarning saviyasi oshib bormoqda, barcha jamoalar bor kuchlari bilan kurashishyapti. Ammo bizda yakdil maqsad bor - Jahon chempionatida g‘alaba qozonish", - deydi Varan AS nashriga.

Eslatib o‘tamiz, yarim final doirasidagi Frantsiya - Marokash o‘yini 14 dekabr kuni bo‘lib o‘tadi.