"Tottenxem" Ze Luish transferidan voz kechdi

"Portu" va Kabo-Verde terma jamoasi hujumchisi Ze Luish Londonning "Tottenxem" klubiga o‘tmaydigan bo‘ldi.

Londonliklar futbolchini sotib olish huquqi bilan ijaraga olish istagida edi, biroq uning transferini rasmiylashtirish uchun klub APLda ishlash uchun ruxsat olishi kerak bo‘ldi. Ammo Ze Luish chempionat talablarining birontasiga javob bermadi.

Natijada esa "shporlar" forvardning transferidan voz kechdi, deya xabar bermoqda Daily Mail. Manbaga ko‘ra, "Tottenxem" Angliya futbol assotsiatsiyasi maxsus komissiyasiga apellyatsiya berish imkoniyati bo‘lgan edi, biroq "shporlar" ushbu transferdan voz kechdi.