Тебас Хаби Алонсонинг "Реал"га қайтиши ҳақида: "Бу яхши қарор, мен хурсандман"

Ла Лига президенти Хавьер Тебас Хаби Алонсонинг "Реал Мадрид" бош мураббийлигига тайинланиши мумкинлиги борасида ўз фикрларини билдирди.

— "Реал" буни ўзи учун энг тўғри қарор деб ҳисобламоқда ва мен Хаби Алонсо учун хурсандман. У испан футболига, ўзининг севимли жамоасига қайтаяпти. Менимча, бу яхши қарор.

Менга ёқади: чемпионатимизга ҳозирда Европада ва дунёда энг зўрлардан бири саналадиган футболчилар ва мураббийлар келиши. Хаби Алонсо — айнан шундай шахс. "Байер" билан "Бавария"га рақобатда чемпионликни қўлга киритиш — осон иш эмас, – дея гапириб ўтди Ла Лига президенти.

Эслатиб ўтамиз, "қироллик клуби"ни бошқариб келаётган Карло Анчелотти ёзда жамоани тарк этиб, Бразилияни бошқариш эҳтимоли юқори. Унинг ўрнига эса "қаймоқранглилар"ни Хаби Алонсо бошқариши кутилмоқда.