Тарихдаги энг яхши марказий ҳимоячи бўлишга номзод 10 та футболчи эълон қилинди

Дунёга машҳур France Football нашри тарихдаги энг яхши марказий ҳимоячи бўлишга даъвогар 10 та футболчи номини эълон қилди.

Ушбу рўйхатдан Франко Барези (Италия), Бобби Мур (Англия), Франц Беккенбауэр (Германия), Даниэль Пассарелла (Аргентина), Фабио Каннаваро (Италия), Маттиас Заммер (Германия), Марсель Десайи (Франция), Гаэтано Ширеа (Италия), Рональд Куман (Нидерландия), Серхио Рамос (Испания) жой олди.

Эътиборлиси, ушбу рўйхатдаги футболчилар орасида фақатгина Рамос айни дамда фаолиятини давом эттирмоқда.

Ғолиб номи дунёнинг энг етакчи 177 та журналисти орасида ўтказиладиган сўровномага кўра аниқланади.