Stol tennisi. Astanada Osiyo chempionatiga mezbonlik qilmoqda

Shu kunlarda Qozog‘istonning Astana shahrida stol tennisi bo‘yicha Osiyo chempionati bo‘lib o‘tmoqda. Musobaqaning ilk kunida jamoaviy dasturda guruh bosqichidan o‘rin olgan bahslar o‘tkazildi.

O‘zbekiston Milliy Olimpiya qo‘mitasi matbuot xizmatining ma’lum qilishicha, unda 1 g‘alaba va 1 mag‘lubiyatli o‘yin o‘tkazgan yigitlarimiz ham, 2 g‘alaba va 1 mag‘lubiyat qayd etgan qizlarimiz ham o‘z guruhlarida ikkinchi o‘rinni egallashdi. Afsuski, ushbu natija medallar uchun kurashni davom ettirishga etarli bo‘lmadi. Endi sportchilarimiz jamoaviy dasturda 11 va 13-o‘rinlar uchun kurashishadi.

Taqvimga ko‘ra, sportchilarimiz 9 oktyabrdan juftlik va mikst, 11 oktyabrdan yakkalik yo‘nalishlaridagi ishtiroklari bilan musobaqani davom ettirishadi.