Stol tennischilarimiz Belarus va Turkiyada

Mamlakatimizda Olimpiya o‘yinlari turkumiga kiruvchi sport turlarini aholi o‘rtasida yanada ommalashtirish va ularning mazkur sport turi bilan yoshlarni shug‘ullanishlari uchun keng imkoniyatlar yaratilmoqda.

Davlatimiz tomonidan yaratilgan shart-sharoitlardan unumli foydalangan holda, yosh sportchilarni mahoratini oshirish maqsadida O‘zbekiston stol tennisi federatsiyasi bir qator davlatlarda o‘quv-mashg‘ulot yig‘inini o‘tkazmoqda.

Jumladan, O‘zbekiston o‘smirlar terma jamoasi a’zolari Turkiyaga stol tennis buyicha xalkaro o‘kuv-mashg‘ulot yig‘inda ishtirok etish uchun jo‘nab ketishdi. 20 may kuniga qadar davom etadigan yig‘in doirasida tennischilarimiz xalqaro turnirda ishtirok etishni ham rejalashtirishgan.

Shuningdek, ayni damda O‘zbekiston yoshlar terma jamoasi Belarusning Minsk shaxrida o‘tayotgan nufuzli musobaqada munosib ishtirok etmoqdalar.