СПЛ. "Аль-Иттиход" сафарда "Аль-Иттифоқ" билан дуранг ўйнади
Саудия чемпионати 14-туридан ўрин олган "Аль-Иттифоқ" - "Аль-Иттиход" баҳси бўлиб ўтди ва унда жамоалар 1:1 ҳисобида дурангга имзо чекди.
Дастлаб, 41-дақиқада мезбонлар вакили Жоржиньо Вейналдум ҳисобни очган бўлса, иккинчи бўлим бошланиши билан Абдураззоқ Ҳамдалла орадаги фарқни йўқ қилди.
Шу тариқа турнинг марказий баҳсида ҳар бир жамоа бир очкодан бўлишадиган бўлди.
Маълумот учун, бу натижадан сўнг "Аль-Иттиход" 25 очко билан 4-ўринни эгаллаб турган бўлса, "Аль-Иттифоқ" 23 очко билан 7-поғонада бормоқда.
Comments