“Chelsi” katta transferni uddaladi

“Manchester Siti” hujumkor futbolchisi Rahim Sterling “Chelsi” bilan shartnoma imzolaydigan bo‘ldi.

Klubdar ushbu transfer borasida bir to‘xtamga keldi va tez orada Sterling transferi rasman e’lon qilinadi.

Manbalarning ta’kidlashicha, “shaharliklar” o‘z futbolchini 53 million evrodan oshiqroq mablag‘ evaziga qo‘yib yuboradi. “Aristokratlar” bu summaga qo‘shimcha tarzda yana 12 million evro atrofida bonuslar to‘lab boradi.

Rahis Sterlingning o‘zi “Chelsi” bilan bir necha kun oldin shaxsiy shartnoma bandlarini kelishib olgan va klublarning bir qarorga kelishini kutayotgan edi.

Angliyalik hujumchi yangi klubi bilan 2027 yilning yarmigacha dvom etadigan shartnoma imzolaydi. Tomonlar o‘zaro kelishgan holda hamkorlikni yana bir mavsum uzaytirishi mumkin.