Shuhrat Maqsudov: "VARda ham hakamlar o‘tiribdi. Shu bois ular haqida gapirmayman, foydasi yo‘q"

Superliganing 14-turida “Mash’al” – “Bunyodkor” jamoalari o‘rtasidagi uchrashuvda 1:1 hisobi  qayd etildi. Uchrashuv yakunlanganidan keyin “Qaldirg‘ochlar” ustozi Shuhrat Maqsudov o‘z fikrlarini quyidagicha bildirdi.

- O‘yin haqida nima deysiz?

- Hamma ko‘rdi, 1:1 bo‘ldi. O‘ylaymanki, bu o‘yinni yutishga bizda ko‘proq imkoniyat bo‘lgandi. Ammo g‘alaba qozonish uchun yaratilgan imkoniyatlardan foydalanish kerak. Nima qilamiz? Durangga ham qoniqish hosil qilamiz.

- VAR haqida fikringiz qanday?

- Men hakamlar haqida gapirmoqchi emasman. VARda ham hakamlar o‘tiribdi. Shu bois ular to‘g‘risida umuman gapirmayman. Buni foydasi yo‘q. Boshqa savol bo‘lsa beringlar, bo‘lmasa katta rahmat.