"Севилья" ўз сафига "Порту" футболчисини қўшиб олди

"Севилья" клуби "Порту" ярим ҳимоячиси Оливер Торресни сотиб олганини эълон қилди. Бу ҳақда клуб расмий сайти хабар тарқатмоқда.

Юқоридаги манбаага кўра андалусияликлар 24 ёшли испаниялик футболчи учун 12 млн евро тўлашган. Футболчи эса янги жамоаси билан 5 йиллик шартнома имзолаган.

Маълумот учун, Торрес асли “Атлетико” тарбияланувчиси ҳисобланади. У “Порту” сафида 2014 йилдан буён тўп суриб келаётган эди. У ўтган давр мобайнида 146та ўйинда майдонга тушган ва ўз ҳисобига 12та гол ҳамда 21та голли узатма ёздириб қўйишга эришган.