"Sevilya" o‘z safiga "Portu" futbolchisini qo‘shib oldi

"Sevilya" klubi "Portu" yarim himoyachisi Oliver Torresni sotib olganini e’lon qildi. Bu haqda klub rasmiy sayti xabar tarqatmoqda.

Yuqoridagi manbaaga ko‘ra andalusiyaliklar 24 yoshli ispaniyalik futbolchi uchun 12 mln evro to‘lashgan. Futbolchi esa yangi jamoasi bilan 5 yillik shartnoma imzolagan.

Ma’lumot uchun, Torres asli “Atletiko” tarbiyalanuvchisi hisoblanadi. U “Portu” safida 2014 yildan buyon to‘p surib kelayotgan edi. U o‘tgan davr mobaynida 146ta o‘yinda maydonga tushgan va o‘z hisobiga 12ta gol hamda 21ta golli uzatma yozdirib qo‘yishga erishgan.