Sardor Rashidov: «Chempionat saviyasi oshgan»

O‘zbekiston superligasining 3-turdagi markaziy uchrashuvi AGMK va «Paxtakor» bahsidan so‘ng, Sardor Rashidovni suhbatga tortdik. «Sherlar» a’zosi o‘yin haqida va kelgusidagi rejalari borasida saytimiz uchun kichik intervyu berdi.

-  Katta tanaffusdan so‘ng, yana O‘zbekiston chempionatiga qaytdingiz. Aytingchi hozirgi birinchilikda o‘sish kuzatilganmi?

-  To‘g‘risi, 3 ta o‘yindan so‘ng biror narsa deyishga hali erta. Shunday bo‘lsada, o‘yinlarni og‘ir kechganini tan olish lozim. Chempionat saviyasi o‘sgani ko‘rinib turibdi. Har bir o‘yinda 3 ochko olish uchun «jang» qilishga to‘g‘ri kelmoqda.

-  Mavsum so‘nggida, Evropada taklif tushsa, jamoani tark etasizmi?

-  Nasib qilsa albatta. Hozir Toshkentning «Paxtakor» jamoasi a’zosiman. Bor e’tiborim klubimdagi faoliyatimga qaratilgan. Oldimizga qo‘yilgan vazifalarni munosib uddalasak, keyin ketish haqida fikr bildirish mumkin. Hozircha, «sherlar» a’zosiman.