Ronaldu penaltidan gol ura olmagan bahsda "Yuventus" ochko yo‘qotdi

Italiya chempionati 12-turi markaziy uchrashuvida "Yuventus" "Atalanta" bilan bahs olib bordi.

O‘yinning 29-daqiqasida Federiko Keza Rodrigo Bentankurdan pasni qabul qilib oldi va darvozaning yuqori qismiga aniq zarba yo‘lladi. 57-daqiqada Rome Froyler jarima chizig‘i ustidan kuchli zarba yo‘llab, Kezaning super goliga javob berdi. To‘rt daqiqadan so‘ng, Krishtianu Ronaldu penaltini golga aylantira olmadi. Uchrashuvning qolgan qismida ikkala klub hujumchilari qator imkoniyatlardan foydalana olmadi va jangovar durangga qayd etildi.

A Seriya 12-turidan so‘ng, turinliklar 24 ochko bilan vaqtinchalik 3-o‘ringa ko‘tarilib oldi, bergamoliklar esa 11 o‘yinda 18 ochko jamg‘arib, 8-pog‘onaga joylashib oldi.

• 90+4'
  

  Ўйин якунланди.

• 90'
  

  Иккинчи таймга 4 дақиқа қўшиб берилди.

• 88'

  Хуан Куадрадонинг узатмасини ҳимоячилар қайтариб юборишди.

• 85'

  Криштиану Роналдунинг кучли зарбаси ноаниқ чиқди.

• 84'
  

  Альваро Мората ўрнига Пауло Дибала ўйинга қўшилди.

• 83'

  Алехандро Гомеснинг жарима майдони ичидан йўллаган зарбасини Войцех Шесни қайтарди.

• 80'
  

  МакКенни қўполлиги уун сариқ карточка билан огоҳлантирилди.

• 78'

  Данилонинг зарбасини дарвозабон оёқлари билан қайтариб юборди.

• 75'
  

  Федерико Кьеза ўрнига Алекс Сандро майдонга тушди.

• 74'

  Кристиан Габриэль Ромеронинг боши билан йўллаган зарбасини Войцех Шесни қайтарди.

• 73'
  

  Дуван Сапата ўрнига Луис Муриэль ўйинни давом эттиради.

• 72'
  

  Руслан Малиновский ўрнига Алексей Миранчук майдонга тушди.

• 70'

  Алехандро Гомеснинг узатмасини ҳимоячилар қайтаришди.

• 66'

  Дуван Сапатанинг кучли зарбаси бироз ноаниқ чиқди.

• 63'
  

  Хуан Куадрадонинг узатган пасини ҳимоячилар қайтаришди.

• 63'

  Альваро Моратанинг кучсиз бироқ аниқ зарбасини дарвозабон қайтармоқда.

• 63'
  

  Аталанта бош мураббийи Жанпьеро Гасперини эътирозлари учун сариқ карточка билан огоҳлантирилди.

• 61'
  

  Криштиану Роналдунинг кучли зарбасини Пьелижи Голлини қайтарди.

• 61'
  

  Пенальти. Қўполлик учун ҳакам 11 метрлик жарима тўпи белгилади.

• 60'
  

  Альваро Мората сариқа карточка олди.

• 57'
  

  ГОООООООЛ! Ремо Фройлернинг жарима чизиҳи устидан йўллаган зарбаси тўсинга тегиб, дарвозага бориб тушди.

  

• 55'

  Адриен Рабьонинг зарбасига бироз аниқлик етишмади.

• 54'
  

  Алехандро Гомес ўйинни давом эттиради, Маттео Пессина майдонни тарк этди.

• 53'
  

  Мартен Де Рон қўполлиги учун сариқ карточка билан огоҳлантирилди.

• 50'

  Пьерлуижи Голлини ўйинни давом эттиради.

• 49'
  

  Пьерлуижи Голлинига шифокорлар ёрдам кўрсатишмоқда.

• 48'

  Альваро Мората дарвозабон билан бирга бир вазиятга чиқиб, зарба йўллади, бироқ Пьерлуижи Голлини қайтарди.

• 46'
  

  Иккинчи тайм бошланди.

• 45+3'
  

  Биринчи тайм якунланди.

• 45+1'
  

  Хуан Куадрадо узатган паси ҳимоячилар томонидан қайтарилди.

• 45+1'

  Хуан Куадрадонинг зарбасига ҳимоячи блок қўйди.

• 45'
  

  Биринчи таймга 3 дақиқа қўшиб берилди.

• 44'

  Маттео Пессинанинг зарбаси бироз ноаниқ чиқди.

• 42'
  

  Руслан Малиновскийнинг жарима майдони ичига узатмасини ҳимоячилар қайтариб юборишди.

• 41'

  Руслан Малиновскийнинг кучли зарбасини Войцех Шесни қийинчилик билан қайтарди.

• 39'
  

  Кристиан Габриэль Ромеро Альваро Моратани қийитиди, ҳакам унга сариқ карточка кўрсатди.

• 38'

  Руслан Малиновскийнинг кучли зарбаси бироз ноаниқ чиқди.

• 36'

  Маттейс Де Лигт Маттео Пессинага қўпол ўйнади, ҳакам жарима тўпи белгилади.

• 34'

  Дуван Сапата Маттео де Лигтга қўполлик ишлатди.

• 33'

  Дуван Сапата яқин масофадан кучли зарба йўллади, Войцех Шесни қийинчилик билан зарбани қайтарди.

• 29'
  

  ГООООООООЛ! Федерико Кьеза Родриго Бентанкурдан қулай пастни қабул қилиб олди ва дарвозанинг юқори қисмига аниқ зарба йўллади.

  

• 27'
  

  Артур ўйинни давом эттира олмади, унинг ўрнига Адриен Рабьо майдонга тушди.

• 25'

  Кристиан Габриэль Ромеро кичик жароҳат олди, бироқ у ўйинни давом эттирмоқда.

• 24'

  Артур майдонга қайтди.

• 22'
  

  Кристиан Габриэль Ромерога тиббий ёрдам кўрсатилмоқда. Футболчи Артур билан курашда жароҳат олди.

• 22'
  

  Артур жароҳат олди. Шифокорлар унга тиббийё ёрдам кўрсатишмоқда.

• 22'
  

  Бергамоликлар бурчак зарбасидан хавфли вазият ташкил қила олишмади.

• 22'

  Маттео Пессина рақиб ҳудудига тўпни етказиб берди, тўп ҳимоячилардан майдонни тарк этди.

• 20'

  Криштиану Роналду ҳужум ташкил этмоқчи бўлди, бироқ ҳимоячилар аниқ ўйнаб, вазиятни бартараф этишди.

• 16'

  Хуан Куадрадонинг юқорилатиб узатган пасини ҳимоячилар қайтариб юборишди.

• 15'
  

  Родриго Бентанкур ўйиндан ташқари ҳолатда қолиб кетди.

• 14'

  Альваро Моратанинг жарима майдонига узатмасига жамоадошлари етиб кела олмади

• 12'

  Криштиану Роналду Альваро Моратадан тўпни қабул қилиб олди, бироқ ҳимоячи унга эркин ҳаракат қилиш имконияти бермади.

• 5'

  Криштиану Роналдунинг зарбаси ноаниқ чиқди.

• 3'

  Маттео Пессинанинг зарбасини Войце Шесний қайтарди.

• 2'

  Руслан Малиновскийнинг подкати ўхшамади. Ҳакам қоида бузилганини қайд этди.

• 1'
  

  Ўйин бошланди.