Роналду бундай вазиятга 2010 йилдан буён биринчи марта тушди

"Манчестер Юнайтед"нинг португалиялик ҳужумчиси Криштиану Роналду 2010 йилдан бери фаолиятидаги энг ёмон голсиз серияни қайд этди.

Футболчи кетма-кет бешта ўйиндан буён гол ура олмаяпти. Охирги марта бундай воқеа 12 йил олдин, у "Реал"да ўйнаганида содир бўлган эди.

37 ёшли Роналду жорий мавсум “Манчестер Юнайте” сафида 26 та ўйинда майдонга тушиб, 14 та гол урди ва 3 та голга ассистентлик қилди. Унинг клуб билан шартномаси 2023 йилнинг ёзига қадар мўлжалланган.