"Рома" ярим ҳимоячиси АПЛдан тушган таклиф сабаб клубни тарк этмоқчи

"Рома"нинг франциялик ярим ҳимоячиси Стивен Нзонзи ёзда Италияни тарк этиши мумкин, дея хабар беради Football Italia нашри.

Хабарда келтирилишча, Нзонзи яна фаолиятини АПЛда давом эттирмоқчи. Унга "Арсенал" ва "Вест Хэм" клубларидан қизиқиш бор. Унаи Эмери илгари "Севилья"да Нзонзи билан биргаликда фаолият олиб борган ва уни "Арсенал"га таклиф қилмоқчи.

Эслатиб ўтамиз, Стивен Нзонзи илгари ҳам АПЛда тўп сурган. Хусусан, у 2009-2012 йилларда "Блекберн Роверс" ҳамда 2012 - 2015 йилги мавсумда эса "Сток Сити" шарафини ҳимоя қилган.