"Рома" ҳимоячиси "Галатасарой"ни қизиқтириб қўйди

“Рома” клуби марказий ҳимоячиси Йилдирим Четин яна ўз ватанига қайтиши мумкин.

Италиялик журналист Николо Скиранинг ўз твиттер саҳифасида ёзишича 23 ёшли Туркия терма жамоаси аъзосига “Галатасарой” клуби жиддий қизиқиш билдирмоқда. Гап шундаки, истанбулликлар дастлаб “Сампдория” ҳимоячиси Жейсон Мурильони сотиб олишмоқчи эди. Бироқ, бу борада рад жавобини олишгач айнан Четин номзодига тўхталишган.

Маълумот учун, Четин жорий мавсум “Рома” сафида А Серияда 4 та ўйинда иштирок этди.