“Реал”дан воз кечган футболчини учта суперклуб кутяпти

“Реал”ни тарк этиш арафасида турган Рафаэль Варан катта эҳтимол билан фаолиятини Англия премьер-лигасида давом эттиради.

“Қироллик клуби”да қолишдан бош тортган франциялик ҳимоячига “Манчестер Юнайтед”, “Ливерпуль” ва “Манчестер Сити” каби клублар харидор бўлмоқда.

Вараннинг ўзи Мадриддан кетиши аниқ бўлса-да, келажаги ҳақида Европа чемпионатидан кейин бош қотиради. Ҳозирча, футболчи бор эътиборини Франция терма жамоаси ўйинларига қаратишини билдирган.

Вараннинг мадридликлар билан яна бир йиллик шартномаси бор. Шунга қарамай, “Реал” 60 миллион евро атрофида таклиф бўлса, франциялик футболчининг кетишига қаршилик қилмайди.