“Реал” Винисиусга нарх белгилайди. Агарда …

“Реал Мадрид” Винисиусга нарх белгилайди қачонки, футболчи жамоани тарк этмоқчи бўлса. 
 
Хабарингиз бор, “Барселона”га қарши баҳсда бразилиялик юлдузнинг ўйини қониқарсиз бўлди. Шу билан бирга, мавсум бошидан буён Саудия клублари Винисиус ва “қаймоқранглилар”га яхши таклиф билан чиқишни режалаштираётган эди. 
 
Журналист Хоcе Феликс Диаснинг хабар беришича, “қироллик клуби” сўнгги кунларда Жуниорга янги шартнома таклиф қилишни мақсад қилиб қўйган. Агарда 24 ёшли ҳужумчи жамоани тарк этишни хоҳлаётган бўлса, клуб унга маълум бир нарх белгилайди. Қанот ҳужумчиси жамоани тарк этган тақдирда ҳам, клубда Мбаппе ва Родриго каби ҳужумчилар бор. Бундан ташқари, Ҳоланд ҳам олиб келиниши мумкин, деб хабар бермоқда “Мarca” нашрининг бош муҳаррири. 
 
Маълумот ўрнида, Винисиус бу мавсум 24 та ўйинда иштирок этиб, 13 та гол ва 10 та голли узатма беришга муваффақ бўлди. Унинг клуб билан шартномаси 2027 йилгача мўлжалланган бўлиб, Тransfermarkt порталидаги нархи 200 миллион евро деб баҳоланмоқда.