“Real” orzusi ushalmay qolishidan qo‘rqmoqda

“Real” rahbariyati anchadan beri olishni istayotgan yarim himoyachi Eduardo Kamavinga boshqa klubga o‘tib ketishidan hadiksiramoqda.

Madridliklar “Renn”ning iste’dodli futbolchisi “Real” o‘yin uslubiga mos tushishiga ishonmoqda. Biroq, 18 yoshli yarim himoyachiga “Bavariya” va “Arsenal” qiziqayotgani “Qirollik klubi”ning taklifini to‘sib qo‘yishi mumkin.

Bundan tashqari, Kamavingaga o‘tgan yildan beri “Manchester Yunayted” ham jiddiy qiziqish bildirmoqda. Chunki bu futbolchi Frantsiya terma jamoasi safida manchesterliklar yulduzi Pol Pogbaning o‘rinbosar hisoblanadi.  

Kamavinga uch mavsum davomida Frantsiya chempionatida jami 64 ta uchrashuv o‘tkazib, ikkita gol urdi va to‘rtta golli pas uzatdi.