“Реал” ортидан “Барса” ҳам Холандни олмайдиган бўлди

“Реал” раҳбарияти Эрлинг Холанд кўп жароҳат олаётгани боис унинг трансферидан воз кечишни ўйлаб турган паллада “барселона” ҳам норвегиялик тўпурарни олиб келмаслигини ҳақида маълумотлар чиқа бошлади.

Бу борада “Барселона” президенти Жоан Лапорта ўз қарашларини маълум қилди.

- Мен алоҳида ўйинчиларни клубдан устун қўймайман. “Барселона” амалдаги маош тизимимизни ўзгартирадиган футболчи билан шартнома имзоламайди. Агар биз Холанднинг агенти илгари сураётган талабларни қабул қилсак, жамоамизнинг ўзига хослиги йўқолади, - деди Жоан Лапорта Marca нашрига.

Маълумотларга қараганда, каталонияликлар ҳарчанд истамасин Эрлинг Холанд талаб қилаётган маошни тўлай олмайди.