"Реал Мадрид" ҳужумчиси "Ливерпуль"га қарши беллашувдан аввал жароҳат олди!
Мадриднинг "Реал" жамоаси вингери Франко Мастантуоно номаълум муддатга сафдан чиқди.
"The Athletic" нашри журналисти Марио Кортегананинг хабар беришича, 18 ёшли аргентиналик футболчи сон атрофида оғриқ ҳис қилмоқда ва шу сабабли 4 ноябрь куни бўлиб ўтадиган Чемпионлар лигаси доирасидаги "Ливерпуль"га қарши учрашувни ўтказиб юбориши аниқ.
Маълум бўлишича, Мастантуоно Ла Лигадаги "Валенсия"га қарши (4:0) баҳсни кучли оғриқ билан якунигача ўйнаган.
Футболчининг майдонга қайтиш санаси ҳозирча маълум эмас.
Фикрлар