"Реал" футболчиси фаолиятини Туркияда давом эттирмоқчи

Мадриднинг "Реал" клуби дарвозабони, украиналик Андрей Лунин жамоани тарк этиб, Туркияга йўл олиши мумкин. АS нашрининг хабар беришича, футболчи ўз ҳолатидан ва майдондаги ўйин вақтининг камлигидан норози.

Лунинга асосий даъвогар сифатида Туркиянинг "Галатасарай" клуби кўрилмоқда. Унинг "Реал" билан амалдаги шартномаси 2030 йил 30 июнгача мўлжалланган. Мадрид клуби дарвозабонни 20 миллион еврога қўйиб юборишга тайёр.

Шу билан бирга, "Реал" аллақачон "Эспанол" клубининг 24 ёшли посбони Жоан Гарсия билан музокараларни бошлаган.

2024/2025-йилги мавсумда "Реал" Ла Лига турнир жадвалида иккинчи ўринни эгаллади.