"Реал" етакчиси "эл-классико"гача сафга қайтиши мумкин

"Реал Мадрид" дарвозабони Тибо Куртуа Испания чемпионати доирасидаги Каталониянинг "Барселона" клубига қарши ўйинда майдонга қайтиши кутилмоқда. Бу ҳақда журналист Марио Кортахена ижтимоий тармоқлардаги саҳифаси орқали маълум қилди.

Аввалроқ, бельгиялик футболчи жароҳат олиб, Ла Лиганинг 7-тури доирасидаги “Осасуна”га қарши ўйинни ўтказиб юборган эди. Қайд этилишича, Куртуа ЕЧЛ ва Ла Лигадаги яна учта баҳсда майдонга туша олмайди.

Эслатиб ўтамиз, посбон ўтган мавсум охирида "Реал"га Чемпионлар лигасида ғалаба қозонишга ёрдам берганди. Финал баҳсида бельгиялик кипер "энг яхши футболчи" совринини қўлга киритди.