Rasman! "Surxon"ga bosh murabbiy tayinlandi. U ham ispaniyalik...
Nihoyat, “Surxon” klubi yangi bosh murabbiy nomini e’lon qildi. Sports.uz sayti orqali avvalroq ispaniyalik Anxel Lopesning “Surxon”ni tark etgani haqida yozgandik va bu borada u bilan suhbat ham chop etildi.
Bugun klub matbuot xizmati bosh murabbiy o‘zgargani haqida xabar tarqatdi. Ammo unda ham Lopesning ketgani xususida hech nima yozilmagan. Faqat Migel Alvaresning bosh murabbiy bo‘lgani to‘g‘risida xabar qilingan. Jumladan, shunday deyiladi: “jamoamiz murabbiylar shtabida o‘zgarish bo‘ldi. Bunga qadar ham jamoamizda ishlab kelayotgan Migel Alvares “Surxon” jamoasi bosh murabbiyi etib tayinlandi!
Janob Migel Alvaresga yangi lavozimda omad tilaymiz!”, - deb yozilgan.
Ko‘rib turganingizdek, “Surxon” baribir ispaniyalik murabbiylar qo‘lida qoldi. Bu qanchalik samara berishini vaqt ko‘rsatadi.
Fikrlar