Rasman! "Neftchi" Sanjar Qodirqulov bilan shartnoma imzoladi (foto)

“Neftchi” klubi boshqa klublardan farqli o‘laroq qishki selektsiyada allaqachon faolligini ko‘rsata boshladi.

Kecha “Buxoro”ni tark etgan hujumchi Shoxruz Norxonovni o‘z safiga qo‘shib olganini e’lon qilgandi. Shuningdek, jamoa etakchilari bilan shartnomalar uzaytirilayotgani xususida ham xabarlar berib bormoqdamiz.

Bugun “Neftchi” ishqibozlari uchun yana bir xushxabar. Gap shundaki, “Lokomotiv” sharafini himoya qilib kelgan iste’dodli yarim himoyachi Sanjar Qodirqulov rasman “Neftchi” a’zosiga aylandi va yangi mavsumni farg‘onaliklar safida o‘tkazadi. U bilan bir yillik shartnoma imzolandi. Bu xususida “Neftchi” matbuot xizmati xabar berdi.