Расман! Филиппо Индзаги янги жамоаси билан шартнома имзолади

“Режина” клуби матбуот хизмати жамоа расмий сайти орқали Филиппо Индзагини бош мураббий этиб тайинлангани ҳақида маълум қилди.

Манбага кўра, томонлар 2025 йилнинг ёзига қадар тузилган шартномага имзо чекишган. “Режина” ўтган мавсум B Серияни 14-ўринда якунлади.

Эслатиб ўтамиз, 48 ёшли Индзаги бунгача “Милан”, “Венеция”, “Болонья”, “Беневенто” ва “Брешия” клубларини бошқарган.