Расман! "Аталанта" юлдузи "Интер"га ўтди

"Аталанта" аъзоси Робин Госенс "Интер" футболчисига айланди. Миланликлар германиялик иқтидорни сотиб олиш ҳуқуқи билан ижарага олгани айтилмоқда.

Ушбу трансфер учун "нерадзуррилар" турли бонуслар билан қўшиб ҳисоблаганда 25 миллион сарфлади. Ҳимоячи январдаёқ янги клуби сафига бориб қўшилади, дея хабар бермоқда Фабрицио Романо.

Маълумот учун, Робин Госенс жорий мавсум А Серия доирасидаги 6 та ўйинда 1 гол ва 1 ассист қайд этган.  

"Transfermarkt" порталида футболчининг баҳоси 35 миллион евро этиб белгиланган.