Рамос Роналдуни Мексикага чақиряпти

Португалиялик ҳужумчи Криштиану Роналду Саудия Арабистонининг "Ан-Наср" клубини тарк этиб, фаолиятини Мексика чемпионатида давом эттириши мумкин. Бу ҳақда инсайдер Никола Скира ижтимоий тармоқлар орқали хабар берди.

40 ёшли футболчига "Монтеррей" клуби қизиқиш билдирмоқда. Португалиялик юлдузнинг собиқ жамоадоши Серхио Рамос уни мексикаликлар сафига қўшилишга кўндиришга ҳаракат қилмоқда.

Агар Роналду "Монтеррей"га ўтса, у Клублар ўртасидаги Жаҳон чемпионатида иштирок этиш имкониятига эга бўлади. Мексика жамоаси гуруҳ босқичида "Ривер Плейт", "Интер" ва Япония клуби "Урава Редс"га қарши баҳс олиб боради.