Qoyil qolsa arziydigan futbolchi

"Manchester Yunayted" darvozaboni David de Xea portugaliyalik hujumchi Krishtianu Ronaldu haqida o‘z fikrlarini bildirib o‘tdi.

- Ronaldu — ajoyib futbolchi. Uning qilayotgan ishlaridan qay darajadagi o‘yinchi ekanligini bilish mumkin. Krishtianu o‘z tanasiga qanday g‘amxo‘rlik qilishni biladi. Har bir mashg‘ulotga o‘ta ma’suliyat bilan yondashadi. Uning bu ishlari yosh futbolchilarga haqiqiy motivatsiya. Unga qoyil qolaman, — dedi de Xea “Manchester Yunayted” saytiga bergan intervyusida.

Ronaldu o‘tgan mavsumda “qizil iblislar” safida barcha turnirlarda 38 ta o‘yinda maydonga tushib, o‘z hisobiga 24 ta gol va bitta assistni yozdirib qo‘ydi. Hujumchining ingliz klubi bilan shartnomasi 2024 yilning 30 iyuniga qadar amal qiladi.