Portugaliya - Gana uchrashuvining eng yaxshi futbolchisi aniqlandi

Jahon chempionatining 1-turidan o‘rin olgan Portugaliya va Gana terma jamoalari o‘rtasidagi o‘yin nihoyasiga etdi. Mazkur bellashuvda Santush shogirdlari 3:2 hisobida g‘alaba qozondi. 

O‘yinning 64-daqiqasida Krishtianu Ronaldu penaltidan goli urib, hisobni ochdi. Oradan 9 daqiqa o‘tib, Andre Ayyu muvozanatni tikladi. Keyin tezkorlik bilan portugallar ikkita gol bilan javob berdi: Felish va Leau o‘z nomini tabloga yozdirib qo‘ydi. Uyinning so‘nggi daqiqalarida Bukari o‘zining goli bilan hisobni qisqartirdi. 

Qayd etish lozim, jamoa sardori Krishtianu Ronaldu mazkur bellashuvning eng yaxshi futbolchisi, deya e’tirof etildi. "Sofascore" nashri talqiniga ko‘ra esa eng yuqori ballga Bruno Fernandesh (6.3) loyiq deb topildi.